"मराठी भाषेला मिळाला अभिजात भाषेचा दर्जा, अभिजात भाषा म्हणजे काय?"
मराठी भाषेला मिळाला अभिजात भाषेचा दर्जा: निवडणुकीच्या तोंडावर केंद्र सरकारने घेतला मोठा निर्णय मराठी भाषेला देण्यात आला अभिजात भाषेचा दर्जा! तर आपण या आर्टिकल मधून जाणून घेणार आहोत की अभिजात भाषा म्हणजे काय? त्या अभिजात भाषेला दर्जा कसा मिळतो? त्याचे फायदे काय? आपण सर्व गोष्टी जाणून घेणार आहोत चला तर मग जाणून घेऊया!
माझा मराठाचि बोलु कौतुके।
परि अमृतातें ही पैजा जिंके ॥
समस्त मराठी जनांचे हार्दिक अभिनंदन!!!
अखेर माय मराठीला अभिजात भाषेचा दर्जा मिळाला!
मराठी भाषेला अभिजात भाषेचा दर्जा मिळाल्यामुळे महाराष्ट्र साठी गौरवाची बाब आहे. सर्व महाराष्ट्राने केंद्र सरकारचे आभार मानले आहेत. गेल्या अनेक वर्षापासून पासून ही मागणी सुरू होती. आता त्या प्रयत्नांना यश आले आहे. यापूर्वी 6 भाषेला अभिजात भाषेचा मिळाला होता, त्यात तमिळ, संस्कृत, कन्नड, तेलुगु, मल्याळम आणि उडिया या भाषेचा समावेश आहे. तर आता मराठीसह बंगाली, आसामी, प्राकृत, पाली या पाच भाषांना अभिजात भाषेचा दर्जा देण्यात आला आहे.
2012 साली ज्येष्ठ साहित्यिक रंगनाथ पाठारे यांच्या अध्यक्षतेखाली केंद्र सरकारला अहवाल देण्यासाठी एक समिती नेमली गेली होती. त्या समितीने आपला अहवाल 2013 साली प्रकाशित केला होता. मराठी भाषेला अभिजात भाषेचा दर्जा मिळण्यासाठी चळवळ उभी करण्यात आली होती. राज्य सरकारने रंगनाथ पठारे यांच्या नेतृत्वाखाली एक समिती देखील नेमली होती. या समितीने ५०० पानांचा अहवाल केंद्राकडे सादर केला होता. ज्यात मराठी भाषा वैशिष्ट्यपूर्ण असून ती अभिजात भाषेचे सर्व निकष पूर्ण करते याचे पुरावे देण्यात आले होते. साहित्यिक रंगनाथ पाठारे यांच्या अथोनात प्रयत्नानंतर मराठी भाषेला अभिजात भाषेचा दर्जा मिळाला.
भारत सरकारने भाषांना अभिजात भाषा हा नवी श्रेणी काढण्याचा निर्णय 12 ऑक्टोबर 2004 ला घेण्यात आला. त्यात तामिळ भाषेला पहिल्यांदा हा दर्जा देण्यात आला.
अभिजात भाषेचा दर्जा मिळवण्यासाठी काय नियम व अटी आहेत:
- भाषा प्राचीन आणि साहित्य श्रेष्ठ असावी.
- भाषेचा नोंदवलेला इतिहास हा अतीव प्राचीन स्वरूपाचा म्हणजे 1500-2000 वर्षं जुना हवा.
- भाषेला स्वतःचे स्वयंभूपण असावं, ती कोणत्या भाषेतून उसनी घेतलेली नसावी.
- अभिजात' भाषा ही आजच्या भाषेपेक्षा निराळी हवी.
- भाषेचा आधुनिक रूप यांचा गाभा कायम असावा.
- अभिजात भाषेचा दर्जा मिळाल्यानंतर राज्याला अनुदान दिले जाते.
- अभिजात भाषेचा दर्जा मिळाल्यास स्कॉलर्ससाठी दरवर्षी दोन राष्ट्रीय पुरस्कार मिळतात.
- अभिजात भाषेचा दर्जा मिळल्यानंतर सेंटर ऑफ एक्सलंन्स फॉर स्टडिज स्थापन करण्यात येते.
- अभिजात भाषेला प्रत्येक विद्यापीठात एक अध्यासन केंद्र स्थापन केलं जातं.
- प्राचीन ग्रंथ अनुवादित केले जातात.
- मराठीच्या उत्कर्षासाठी काम करणाऱ्या संस्था, व्यक्ती आणि विद्यार्थी अशा साऱ्यांना भरीव मदत केली जाते.
0 Comments
कोणत्याही सरकारी योजनेची संबंधित नाही किंवा कोणत्याही सरकारी योजनेचे अधिकृत वेबसाईट नाही. हे प्रायव्हेट वेबसाईट असून तरी आपण माहिती बरोबर आहे का हे तपासून पहावी.